आज: २०८२ भाद्र १३, शुक्रबार | Fri, 29, Aug, 2025

आजको मौसम :यी पाँच प्रदेशमा आज भारी वर्षाको सम्भावना

२०८२ भाद्र १२, बिहिबार मा प्रकाशित ( १ दिन अघि) १२७२ पटक पढिएको
नारी बाटिका


नारी वाटिका संवाददाता

काठमाडौँ १२ भदौ ।

हाल मनसुनको न्यूनचापीय रेखा सरदर स्थानको आसपासमा अवस्थित छ। यसको प्रभावले कोशी, मधेश र बागमती प्रदेश लगायत देशका पहाडी भूभागमा साधरणतया बदली रही बाँकी भूभागमा आंशिक बदली रहने छ।

मौसम पूर्वानुमान महाशाखाका अनुसार अहिले विहानसम्म बागमती र गण्डकी प्रदेशको पहाडी भूभागका केही स्थानमा तथा कोशी, मधेश र लुम्बिनी प्रदेशको एकदुई स्थानमा हल्कादेखि मध्यम वर्षा भइरहेको छ।

त्यस्तै आज दिउँसो बागमती, गण्डकी, लुम्बिनी र सुदूरपश्चिम प्रदेश लगायत देशका पहाडी भूभागमा साधरणतया बदली रही बाँकी भूभागमा आंशिक बदली रहने महाशाखाले जनाएको छ। बागमती, गण्डकी, लुम्बिनी र सुदूरपश्चिम प्रदेश लगायत देशका पहाडी भूभागका केही तथा बाँकी भूभागका एक दुई स्थानमा मध्यम वर्षाको सम्भावना छ।

आज लुम्बिनी प्रदेशको तराई साथै सुदूरपश्चिम प्रदेश र कर्णाली प्रदेशको पहाडी भूभागका एकदुई स्थानमा भारी वर्षाको सम्भावना छ। बिहिबार राति देशभर साधरणतया बदली रहनेछ । देशका पहाडी भूभागका धेरै र बाँकी भूभागका केही स्थानमा मध्यम वर्षाको सम्भावना छ।

तर गण्डकी, कर्णाली र सुदूरपश्चिम प्रदेशको पहाडी भूभाग साथै कोशी र लुम्बिनी प्रदेशको तराई क्षेत्रका एकदुई स्थानमा भारी वर्षाको सम्भावना रहेको महाशाखाले जनाएको छ।

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित
१%

प्रतिक्रिया दिनुहोस