आज: २०८२ भाद्र १५, आईतबार | Sun, 31, Aug, 2025

४५ जना यात्रु सवार बस नवलपुरमा दुर्घटना हुंदा २३ जना घाइते

२०८१ आश्विन ८, मंगलबार मा प्रकाशित ( ११ महिना अघि) ३०४५ पटक पढिएको
नारी बाटिका


त्रिवेणी ८ असोज ।

नवलपुरको विनियी त्रिवेणीमा यात्रु बस दुर्घटना हुँदा २३ जना घाइते भएका छन् । पूर्वपश्चिम राजमार्ग क्षेत्रमा पर्ने नवलपरासी बर्दघाट सुस्तापूर्वको त्रिवेणीमा काठमाडौंबाट भारतको राजस्थान तर्फ जाँदै गरेको बस विनयी त्रिवेणी–१ विनयीखोला नजिक दुर्घटनामा भएको हो।

आज बिहान आरजे १४ पिसी ३५४५ नम्बरको बस आफैँ अनियन्त्रित भई सडकमै पल्टिएको जिल्ला प्रहरी कार्यालयका नवलपरासीका प्रहरी नायब उपरीक्षक वेदबहादुर पौडेलले बताएका छन् ।

प्रहरी नायव पौडेलका अनुसार बस पल्टिँदा बसका २३ जना यात्रु घाइते भएका छन्। बसमा करिब ४५ जना यात्रु सवार रहेकामा अन्य यात्रु भने सकुशल रहेको प्रहरीले बताएको छ । घाइतेहरुको स्थानीय विनियी त्रिवेणी आधारभूत अस्पतालमा उपचार भइरहेको छ। विस्तृत बिवरण आउन बाँकी छ ।

 

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित

प्रतिक्रिया दिनुहोस