आज: २०८२ भाद्र १४, शनिबार | Sat, 30, Aug, 2025

प्रधानमन्त्री ओली नेतृत्वको प्रतिनिधिमण्डल आज चीन प्रस्थान गर्ने

२०८२ भाद्र १४, शनिबार मा प्रकाशित ( ९ घण्टा अघि) ८०७ पटक पढिएको
नारी बाटिका


नारी वाटिका संवाददाता,बिबियु

काठमाडौं १४ भदौ ।

प्रधानमन्त्री केपी शर्मा ओली नेतृत्वको प्रतिनिधिमण्डल आज साङ्घाई सहयोग सङ्गठन (एससीओ) को २५ औँ शिखर सम्मेलनमा भाग लिन तियान्जिन प्रस्थान गर्दै छन्। चिनिया राष्ट्रपति सि चिनफिङको औपचारिक निमन्त्रणामा प्रधानमन्त्रीसहितको टोली बिहान अहिले ७ बजे हिमालयन एयरलाइन्स मार्फत सिधै चाइना तर्फ प्रस्थान जाने हुनु भएको हो।

प्रतिनिधिमण्डलमा उहाँका धर्मपत्नी राधिका शाक्य, शिक्षा विज्ञान तथा प्रविधिमन्त्री रघुजी पन्त, संस्कृति पर्यटन तथा नागरिक उडड्यनमन्त्री बद्रीप्रसाद पाण्डे, प्रधानमन्त्रीका आर्थिक तथा विकास सल्लाहकार डा युवराज खतिवडा, नेपाली कांग्रेसका उपसभापति तथा सांसद पूर्णबहादुर खडका, नेकपा एमालेका सचिव तथा सांसद छविलाल विश्वकर्मा, परराष्ट्र मन्त्रालयका अधिकारी रहेका छन्।

चिनिया राष्ट्रपति चिनफिङले उदघाटन गर्ने उक्त सम्मेलनमा एससीओका १० पूर्ण राष्ट्रसहित २० देशका राष्ट्र प्रमुख र सरकार प्रमुख तथा १० वटा अन्तर्राष्ट्रिय संस्थाको प्रमुखहरुको सहभागिता रहने छ।

आज र भोली तियान्जिनमा हुने सम्मेलनमा भारतका प्रधानमन्त्री नरेन्द्र मोदी, रुसका राष्ट्रपति भ्लादमिर पुटिन, बेलारुसका राष्ट्रपति अलेक्ज्यान्डर लुकासेन्को, इरानका राष्ट्रपति मसुद पेजेस्कियान, पाकिस्तानका प्रधानमन्त्री सहबाज सरिफ, कम्बोडियाका प्रधानमन्त्री हुन मनेत, टर्कीका राष्ट्रपति रेसिप तैयिप एर्दोगान, माल्दिप्सका राष्ट्रपति मोहम्मद मुइज्जु लगायतको उपस्थित रहने छ।

प्रधानमन्त्री ओली र चीनका राष्ट्रपति चिनफिङबिच शनिबार नै द्विपक्षीय भेटवार्ता हुनेछ। प्रधानमन्त्री ओलीले भदौ १६ गते सम्मेलनमा अतिथिको रूपमा सम्बोधन गर्ने कार्यक्रम छ।

प्रधानमन्त्री ओली भदौ १८ गते बेइजिङ्गस्थित तियानमिन स्क्वायरमा हुने जापानी उपनिवेशविरुद्ध चीनले विजयी प्राप्त गरेको र विश्व फासिस्ट विरोधी दिवसको ८० औँ वार्षिकोत्सवमा हुने स्मृति समारोह तथा सैनिक परेडमा पनि सहभागी हुनेछन्।

साथै समारोहमा २६ देशका राष्ट्र प्रमुख र सरकार प्रमुख सहभागी हुने भएका छन्।

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित
१%

प्रतिक्रिया दिनुहोस