अर्थमन्त्री स्वर्णिम वाग्लेको मनपरी पारामा करोडौंको बजेट अनुदान

सर्वोच्च अदालतमा दोस्रो पटक महिला नेतृत्व

नारी वाटिका संवाददाता
धादिङ -१७ चैत ।
नेपालको न्यायपालिकामा दोस्रो पटक महिलाले नेतृत्व गर्ने भएका छन् । बुधबारदेखि न्यायाधीश सपना प्रधान मल्लले कायममुकायम प्रधानन्यायाधीशको जिम्मेवारी पाउन लाग्नु भएको छ ।

प्रधानन्यायाधीश प्रकाशमानसिंह राउत आजैदेखि अवकाशमा जाने हुनु भएकोले मल्ललाई कायममुकायमको जिम्मेवारी दिन लागिएको हो ।

यसअघि निवर्तमान प्रधानमन्त्री सुशीला कार्कीले नेपालको पहिलो प्रधानन्यायाधीशको जिम्मेवारी सम्हाल्नु भएको थियो । मुलुकको न्यायलयको मुख्य सर्वोच्च अदालतमा महिलाले नेतृत्व गर्न लागिएको यो दोस्रो पटक हो । सुशीला कार्की प्रधानन्यायाधीश भएको समयमा देशमा धेरै महिलाहरु उच्च पदमा बहाल रहने अवसर प्राप्त भएको थियो ।

२०८१ को असोजमा प्रधानन्यायाधीशमा नियुक्त हुनु भएका राउत करिब डेढ वर्ष उहाँले न्यायालयको नेतृत्व गर्नु भयो । उमेरहदका कारण उहाँ आजदेखी विदा हुनु भएको हो। संविधानिक अनुसार ६५ वर्ष पूरा भएपछी सर्वोच्चका न्यायाधीशहरु स्वतः अवकाशमा जानु पर्ने व्यवस्था छ ।

प्रधानमन्त्री बन्नुअघि बालेन शाहले नयाँ र्‍यापको भिडियो सार्वजनिक गरे

बिबियु,नारी वाटिका संवाददाता

धादिङ -१३ चैत।

राष्ट्रिय स्वतन्त्र पार्टी (रास्वपा)बाट अत्याधिक मत ल्याएर प्रतिनिधिसभामा प्रवेश गरेका बालेन शाहले मुलुको प्रधानपन्त्री बन्नुअघि नयाँ र्‍यापको भिडियो सार्वजनिक गरेका छन् । केही समयअघि स्वतन्त्र उम्मेद्वारमा काठमाडौ महानगरपालिकाको मेयर जितेर उनको कार्यकालमा महानगरभित्र निकै राम्रो काम गरेका कारण उनी निकै चर्चामा आएका व्यक्ति हुन् ।

शाह आज मिति २०८२ चैत्र १३ गतेका दिन उनी नेपालको इतिहासमै सबैभन्दा कान्छो (कम उमेर)को प्रधानमन्त्रीमा नियुक्त हुने भएका छन् । शाहले प्रधानमन्त्रीको नियुक्ती लिनु अघिल्लो दिन र्‍याप गाएर सो को भिडियो सार्वजनिक गरेका हुन् । उनले आज (शुक्रबार) दिउँसो प्रधानमन्त्रीको शपथ लिँदै छन् । यसका लागी रास्वपाले हिँजै( बिहीबार) साँझ संसदीय दलको नेतामा चयन गरेको थियो ।

‘शाहको यस अडियो तथा भिडियोको जय महाँकाली’ बोलको र्‍यापमा उनी आफैले शब्द र संगीत पनि भरेका छन् । र्‍यापको भिडिओमा बालेनले चुनावी अभियानका क्रममा पूर्वदेखि पश्चिमसम्म गरेको भाषण, सभा र रोडसहित सोही अभियानका फुटेजहरु प्रयोग गरिएको छ ।

कांग्रेसको केन्द्रीय बैठक बस्दै,बैठकमा सभापति थापाको राजीनामा छलफल हुने

बिबियु,नारी वाटिका संवाददाता
धादिङ ६ चैत ।

नेपाली कांग्रेसका सभापति गगन थापाले पदबाट राजीनामा दिएपछी आज केन्द्रीय कार्यसमितिको बैठक बोलाएको छ । बैठक सुक्रबार दिउँसो १ बजे पार्टीको केन्द्रीय कार्यालय सानेपामा हुने कार्यवाहक मुख्य सचिव कृष्णप्रसाद दुलालले जानकारी दिनु भयो।

बैठकमा सभापति थापाको राजीनामा पछिल्लो देशको राजनीतिक अवस्था, प्रतिनिधिसभा निर्वाचनमा पार्टीको पराजयको विषयमा मुख्य छलफल हुने बताइएको छ।

सभापति थापाले निर्वाचनमा पार्टीले बेहोर्नु परेको हार निर्वाचनअघि र ,हालको समसामुहिकलगायतमा आफ्नो नैतिक जिम्मेवारी लिँदै उहाँले बुधबार उपसभापति शर्मालाई राजीनामा बुझाउनु भएको थियो ।

सभापतिले राजीनामा उपसभापतिलाई बुझाउनुपर्ने र उपसभापतिले केन्द्रीय कार्यसमिति बैठकमा त्यसलाई प्रस्तुत गर्नुपर्ने व्यवस्था पार्टी विधानमा भए बमोजिम नै यस बैठक बोलाइएको हो भने बैठकको प्रारम्भमा सभापति थापाको राजीनामामाथि छलफल गरेर टुंगोमा पुगिने महामन्त्री प्रदीप पौडेलले जानकारी दिनु भयो।

सिङ्गो केन्द्रीय कार्यसमितिले सर्वसम्मतिबाट थापाको राजीनामा अस्वीकृत गर्ने सम्भावना देखिएको छ । तर निर्वाचनमा पार्टीले जुन लक्ष्यसहित चुनावी मैदानमा होमिएको थियो । तर त्यसविपरित आएको परिणामले सभापति थापाले आफ्नो नैतिक जिम्मेवारी रहेको महसुशका साथ राजिनामा दिनु भएकोले उहाँले आफ्नो राजीनामामा पार्टीले गरेको अस्वीकारलाई कसरी लिनु हुन्छ त्थो भने बैठकपछी भन्न सकिएला……

पार्टी र आफू स्वयंले निर्वाचनमा हार व्यहोरेपछि नै सभापति थापाले राजीनामा दिने मनस्थिति बनाउनु भएको थियो । उपसभापति शर्मासँग २५ फागुनमा भएको भेटमै थापाले राजीनामा दिने जानकारी दिनु भएको थियो । त्यसपछि शर्माले नै थापाको राजीनामा रोक्नु भएको थियो ।

पूर्वसभापति देउवा पक्षका केही नेताले भने चुनावमा अपेक्षित परिणाम नआएपछि नैतिकताको प्रश्न उठाउँदै सामाजिक सञ्जालमा थापाको राजीनामा माग्दै आएका छन् । तर देउवा पक्ष कै कतिपय नेताले सभापति थापालाई राजीनामा नदिई पार्टीलाई एकसाथ अघि बढाउँदै विशेष महाधिवेशनको तयारीमा जुट्न सुझाव दिएका छन् ।

निर्वाचन छिटपुट घटनाबाहेक शान्तिपूर्ण र व्यवस्थित रुपमा सम्पन्न

बिबियु,नारी वाटिका संवाददाता

धादिङ -२१ फागुन ।

आज भएको प्रतिनिधिसभा निर्वाचनमा छिटपुट घटनाबाहेक देशभर शान्तिपूर्ण, व्यवस्थित र उत्साहजनक रूपमा सम्पन्न भएको छ।

यस निर्वाचनमा संन्चारकर्मीहरु,परिवेक्षकहरु तथा विभिन्न कोणबाट गरिएको प्रारम्भिक अनुगमनपछि बिहीवार साँझ समग्र यसको आँकलन गर्दै उचित सुरक्षा व्यवस्था, मतदान केन्द्रको व्यवस्थापन तथा निर्वाचन व्यवस्थापन र मतदाताको व्यवहारमा विगतको तुलनामा सुधार आएको पाइएको हो।

विशेष कारणवश निधाृरित समयभन्दा २ वर्ष अगावै गर्नु परेको यस निर्वाचनमा अपाङ्गता भएका व्यक्ति, ज्येष्ठ नागरिक र सबै वर्ग तथा समुदायका मतदाताहरूको उत्साहपुर्वक मतदानमा सहभागिता रहेको देखिएको छ।

विगतका निर्वाचनहरूको तुलनामा यस पटक राजनीतिक दल, उम्मेदवार र मतदाताहरूको व्यवहार बढी संयमित,सहयोगी र कार्यकर्ता हरुमा पनि त्यति उछिङकल व्यवहार नभई शान्त व्यवहार पाइएको छ। त्यस्तै मतदान केन्द्रहरूमा कर्मचारी र दलका प्रतिनिधिहरूबीच पनि सौहार्दपूर्ण वातावरण रहेको देखियो ।  

सरकारले निर्वाचन सुरक्षामा नेपाली सेना,नेपाल प्रहरी,सशस्त्र प्रहरी बल,निर्वाचन प्रहरी,अनुसन्धान साधा पोशाकका प्रहरी लगायतका देशभरका पालिकाका मतदानस्थल मतदान केन्द्रमा परिचालन भएका थिए । अझै यस निर्वाचनमा पत्रकार तथा संन्चार गृह्रहरूले पनि बिना खर्च चुनावी विज्ञापनहरु प्रशारण गरेर सकारात्मक र सहयोगपुर्ण रुपमा राज्यलाई निकै सघाएका छन् ।

आज सम्मपन्न भएका देशभरका अधिकांश मतदान केन्द्रहरू तोकिएको समय बिहान ७ बजेदेखि नै सञ्चालनमा आएका थिए भने छिटफुट घटना बाहेक समग्र रुपमा शान्तिपूर्ण र निकै व्यवस्थित रुपमा प्रतिनिधिसभा सदस्य निर्वाचन २०८२ सम्पन्न भएको विश्लेषण गरिएको छ ।  

नारीवादी डा.मीना आचार्यको निधन, लैङ्गिक न्याय क्षेत्रलाई अपूरणीय क्षति

बिबियु,नारी वाटिका संवाददाता

धादिङ -२३ माघ ।

नेपालको प्रख्यात नारीवादी अभियन्ता डा. मीना आचार्यको निधन भएको छ ।

महिला सशक्तीकरण, लैङ्गिक न्याय र वित्तीय समानताका क्षेत्रमा अर्थशास्त्र र लैङ्गिक उत्तरदायी  बजेट  (Gender Responsive Budget–GRB) की आचार्यको निधनले देश शोकमा डुबेको छ।

लैङ्गिक उत्तरदायी तथा अर्थशास्त्री  डा.आचार्यले पुर्‍याएको योगदान नेपाली महिला समाजमा अतुलनीय रहेको भन्दै विभिन्न क्षेत्रका व्यक्तित्वहरूले गहिरो दुःख व्यक्त गरेका छन्।

डा.आचार्यले लैङ्गिक उत्तरदायी बजेटलाई नीतिगत तहदेखि कार्यान्वयनसम्म प्रभावकारी रुपमा लैजान खेलेको भूमिका महत्वपुर्ण छ। उनका अनुसन्धान, लेखन र नीतिगत सल्लाहहरूले हरेक क्षेत्रमा न्च्द्य सुनिश्चित गर्ने स्पष्ट मार्गचित्र तयार गरेको छ।

विशेषगरी लैङ्गिक वित्त, महिला अधिकार र समावेशी विकासका सवालमा उनका मार्गदर्शन र निरन्तरको प्रयासले धेरै युवाहरूको करियर यात्रालाई प्रेरणा थपेको छ । डा.आचार्यका योगदानले नेपाल मात्र नभएर अन्तर्राष्ट्रिय स्तरमा समेत लैङ्गिक न्यायका पक्षधरहरूलाई मार्गनिर्देशन गरेको देखिन्छ ।

आदी कारणले पनि अर्थशास्त्री डा.आचार्यको निधनले महिला अधिकार, लैङ्गिक न्याय र नीतिगत सुधारको क्षेत्रमा “ठूलो क्षति” पुगेको मानिएको छ। उनका तिनै ेमहत्वपुर्ण विचार, र अवधारणा अनुसारको नेपाली समाज र सरोकारवाला निकायको चासोले स्थापित लैंगिक शसक्तिकरणका क्षेत्रमा भएका काम र योगदानले आगामी पुस्तालाई प्रेरणा दिइने विश्वास गरिएको छ।

गायक प्रशान्त तामाङको ४३ वर्षको युवा उमेर मै हृदयघातबाट निधन

नारी वाटिका संवाददाता

धादिङ २८ पुस । बिबियु

२००७ का इन्डियन आइडल विजेता तथा लोकप्रिय गायक तथा अभिनेता प्रशान्त तामाङको निधन भएको छ ।

नेपालमा जन्मिएर इन्डियामा कर्मथलो बनाउँदै आउनु भएका तामाङको ४३ वर्षको युवा उमेर मै आइतबार दिउँसो दिल्लीस्थित आप्mनै निवासमा कार्डियक अरेस्टका कारण असामयिक निधन भएको हो ।

उनको स्वास्थ्यमा समस्या आएपछि दिल्लीको द्वारकास्थित एक अस्पातालमा लगिए पनि अस्पतालले निधनको पुष्टि गरेको थियो । लोकप्रिय भारतीय गायन रियालिटी सो इन्डियन आइडल सिजन–३ मा भाग लिएर संसार भरका नेपाली भाषीमात्र नभई भारत लगायतका देशमा समेत ख्याति कमाउनु भएका तामाङले नेपाली, भारतीयसहित विभिन्न भाषामा गीत गाएका छन् ।

तामाङका असारै महिनामा, मन साइली, रातो रानी, अरे क्या नाम, घामको माया, गोर्खा पल्टन जस्ता थुप्रै गीतहरू गायर उनी निकै लोकप्रिय बनेका थिए। तामाङले गायनका साथमा अभिनयमा पनि उत्तिकै परिचित थिए। तामाङले नेपाली फिल्म गोर्खा पल्टन, गोर्खा पल्टन २, परदेशी, परदेशी २, अँगालो यो मायाको, निशानी जस्ता नेपाली फिल्ममा योगदान पुर्याएका छन् ।

त्यस्ते तामाङले पछिल्लो समय अमेजन प्राइमको पाताल लोकजस्तो ओटीटी सिरिजमा समेत अभिनय गरेर मन जित्दै आउनुभएको थियो । अभिनेता सलमान खानका साथ बलिउड फिल्म ब्याटल अप गलवानमा समेत अभिनय गरेका उनको सो फिल्ममा डबिङको काम भने अधुरै रह्रयो ।

आज पृथ्वीजयन्ती तथा राष्ट्रिय एकता दिवस

नारी वाटिका संवाददाता

धादिङ -२७ पुस । बिबियु

आज पृथ्वीजयन्ती तथा राष्ट्रिय एकता दिवस। टुक्रा गुक्रामा विभाजित भएको नेपालको एकीकरण गर्ने पृथ्वीनारायण शाहले गरेका साहसी कामको सम्झनामा विभिन्न कार्यक्रमका साथ आज ३०४औँ पृथ्वीजयन्ती मनाईँदैछ। तत्कालीन बाइसे(चौबीसे राज्यलाई समेटी एकीकृत नेपाल निर्माण गरेकोले यसको श्रय राजा पृथ्वीनारायण शाहलाई दिएको हो ।

तत्कालीन गोर्खा राज्यका राजा नरभूपाल शाह र रानी कौशल्यावतीका जेष्ठ सुपुत्रका रूपमा १७७९ पुस २७ गते पृथ्वीनारायणको जन्म भएको थियो। २० वर्षको उमेरमा राजा बनेका पृथ्वीनारायणले बाइसे चौबीसे राज्यहरूलाई एक सूत्रमा आबद्ध गर्ने नीति अपनाएका थिए।

१८२५ सालमा इन्द्रजात्राका दिन आक्रमण गरी उनको फौजले काठमाडौंमाथि विजय प्राप्त गरेको थियो। यसपछि उनले एकीकृत नेपालको राजधानी काठमाडौंलाई बनाउन सफल भए।

पृथ्वीनारायणले शुरू गरेको एकीकरण अभियान छोरा बहादुर शाहको पालासम्म बढ्दै गएर नेपालको सिमाना पूर्वमा टिष्टा नदी, दक्षिणमा मगध र पश्चिममा सतलज नदीसम्म विस्तार भएको छ। पछि नेपाल(अंग्रेज युद्धका क्रममा नेपाल अहिलेको क्षेत्रफलमा समेटिन पुगेको थियो।

सोही बेलादेखी नेपाललाई चार जात छत्तीस वर्णको साझा फूलबारी भनिन्छ । मेरा साना दुःखले अर्ज्याको मुलुक होइन, सबैलाई चेतना भया’, ‘आफ्ना देशका कपडा बुन्नु, जान्यालाई नमूना देखाई सघाउनु, बुन्नु र बुन्न लगाउनु’,लगायत उनका कैयौँ उद्गार भावका शब्दहरु आज पनि उत्तिकै सान्दर्भिक छ।

५२ वर्षको उमेरमा १८२५ माघे संक्रान्तिका दिन नुवाकोटको देवीघाटमा उनको निधन भएको थियो। पृथ्वीजयन्तीका अवसरमा आज सरकारले सार्वजनिक बिदा दिएको छ।

आज स्वरसम्राट नारायणगोपालको ३५औँ स्मृति मनाईँदै

बिबियु,नारी वाटिका संवाददाता

धादिङ -१९ मंसिर ।

स्वरसम्राट नारायणगोपालको ३५औँ स्मृति आज दिवस मनाइँदै छ। नारायणगोपाल गुरुवाचार्य नेपाली संगीतका महान् गायकका रूपमा परिचित छन्।

१९९६ असोज १८ मा काठमाडौंको किलागलमा जन्मिएका नारायणगोपालले रेडियो नेपालबाट माणिकरत्न स्थापित र प्रेमध्वज प्रधानको संगीतमा गीत गाएर स्वरपरीक्षा पास गरेका थिए। उनले ३० वर्षको गायनयात्रामा १३७ गीत गाएका छन्।

उनले साँस्कृतिक संस्थानका महाप्रबन्धक हुंदा बागीना (बाजा, गीत, नाच) नामक नेपालकै पहिलो सांगीतिक पत्रिका प्रकाशन गरेका थिए। साँगेतिक क्षेत्रमा दार्जिलिङका गोपाल योञ्जन, धनकुटाका नगेन्द्र थापा र नारायणगोपालको समूह बनी गित संगितमा उदाएका थिए ।

नगेन्द्र थापाको गीत, योञ्जनको संगीतमा नारायणगोपालले धेरै गीत गाएका छन्।योञ्जन र नारायणगोपाले मित लगाएर दार्जिलिङबाट मित्रता बढाएको बताइन्छ।

‘ उनले स्वर भरेका नेपालको गित संगितमा कालाजरी गित बनेको स्वर्गकी रानी मायाकी खानी’, ‘ए कान्छा ठट्टैमा यो बैस जान लाग्यो’, ‘श्रद्धाको फूल चढाइदिनु’ ‘चिनारी हाम्रो धेरै पुरानो’, ‘जीवनदेखि धेरै नै थाकेर म मुर्दा भएको’ ‘अल्झेछ क्यारे पछ्यौरी तिम्रो’, ‘तिम्रो जस्तो मुटु मेरो पनि’, ‘दुईटा फूल द्यौरालीमा’,लगायत थुप्रै गितहरु छन् ।

नारायणगोपालले तारादेवी, अरुणा लामा, दिलमाया खाती, मीरा राणा, ज्ञानु राणा, कमला श्रेष्ठ र भारतीय गायिका आशा भोसलेसँग केही युगल गीतहरु पनि गाएका छन् ।

मिठो र मर्मस्पर्शी गित गाएर हालसम्म कै इतिहाँसमा सबैको मनमुटुमा बसेका नारायणगोपालले आधुनिक गीतका साथै पार्श्वगायनमा समेत सबैले रुचाइएका गायक हुन्। परिवर्तन, सिन्दुर, बदलिँदो आकाश, लाहुरे, चोट, चिनो र दक्षिणा लगायत चलचित्रमा पनि उनको आवाज गुञ्जिएको छ ।

उनी गायन मात्रै नभइ कुशल स‌गीतकारको रुपमा पनि उत्तिकै परिचित छन् । उनले भक्तराज आचार्य, फत्तेमान र अरुणा लामालगायतलाई समेत आफ्नो संगीतमा मिठो गित गाउन लगाएर नेपाली गित संगितमा इतिहाँस कोरेका छन्। उनको संगीतमा लोचन भट्टराई र रामकृष्ण ढकालले गाएको ‘माया गर्नेको चोखो माया पनि देखियो’ चर्चित छ।

यस गीतलाई उनले आफैँले गाएका थिए तर पछी उनी बिरामी हुदै गएपछी रेकर्डिङ गर्न नपाउँदै उनको निधन भयो । उनको त्यो अधुरो रहेको सपनालाई पछी यही गितलाई भट्टराई र ढकालले स्वर दिएका हुन् ।

यसरी स्वरसम्राट नारायणगोपालले गोरखा दक्षिण बाहु, चौथो, इन्द्रराज्यलक्ष्मी प्रज्ञा, छिन्नलता, जगदम्बाश्री लागायतका थुप्रै प्रतिष्ठित पुरस्कारहरु पाएका छन्। उनको निधन २०४७ मंसिर १९ गते भएको हो । उनको मृत्युपछी २०४८ सालमा मरणोपरान्त त्रिशक्तिपट्ट तेस्रो प्रदान गरिएको थियो।

नारायणगोपालको दार्जिलिङकी पेमला लामासँग विवाह भएपनि उनी निःसन्तान रहे। साथै उनकी पत्नी पेमलाको पनि २०६१ असार १६ मा भएको थियो ।

सर्वोत्कृष्ट वैज्ञानिकको सूचीमा परे नेपालमै कार्यरत ३१ जना वैज्ञानिकहरू

नारी वाटिका संवाददाता

ललितपुर -२७ कार्तिक।

नेपालमा कार्यरत ३१ जना वैज्ञानिकहरू विश्वभरका सर्वोत्कृष्ट वैज्ञानिकहरूको सूचीमा परेका छन्।

नेपाल विज्ञान तथा प्रज्ञा प्रविधि प्रतिष्ठान (नाष्ट)का सचिव रवीन्द्र ढकालका अनुसार एल्सेभियरसँगको सहकार्यमा अमेरिकाको स्ट्यानफोर्ड युनिभर्सिटीले तयार पारेको वार्षिक ‘ग्लोबल याङ्किङ’ प्रतिवेदनमा नेपालका ३१ जना वैज्ञानिकहरूको नाम समावेश भएको हा्े।

“स्ट्यानफोर्ड युनिभर्सिटीले हरेक वर्ष यस्तो सूची तयार गर्ने गरेको छ । अध्ययन अनुसन्धानका आधारमा उनीहरूले प्रकाशन गरेको पुस्तक र ‘साइटेशन’लाई मुख्य आधार मानी यो सुची तयार गर्ने गर्दछ, । सन् २०२५ मा विश्वका सबैभन्दा बढी प्रभाव पार्ने शीर्ष वैज्ञानिकहरूको सूचीमा ३१ नेपाली वैज्ञानिकहरू परेका हुन् ।

स्ट्यानफोर्ड युनिभर्सिटीले सार्वजनिक गरेको सूची अनुसार त्रिभुवन विश्वविद्यालयका सातजना तथा नेपाल हेल्थ रिसर्च काउन्सिल, बिपी स्वास्थ्य विज्ञान प्रतिष्ठान र अन्तरराष्ट्रिय एकीकृत पर्वतीय विकास केन्द्र (इसिमोड)का दुई दुई जना वैज्ञानिकहरू समावेश हुन्।

नेपाली अनुसन्धानकर्ताहरूले गरेका अनुसन्धान, आविष्कार र दिगोपनको माध्यमबाट विश्वव्यापी प्रभाव पारेका छन्। जसमा त्रिभुवन विश्वविलालयका अजय भट्टराई, रमेशप्रसाद अधिकारी, भीष्म कार्की, नीरञ्जन पराजुली, रामप्रसाद शर्मा, गोविन्दप्रसाद ढुङ्गाना र त्रिवि शिक्षण अस्पतालका रञ्जितकुमार शाह छन्।

त्यसैगरी बिपी स्वास्थ्य विज्ञान प्रतिष्ठानका सञ्जीवकुमार शर्मा र सुमन रिजाल तथा अन्तरराष्ट्रिय एकीकृत पर्वतीय विकास केन्द्र(इसिमोड)का अरूणभक्त श्रेष्ठ र फिलिप वेस्टर शीर्ष वैज्ञानिकहरूको सूचीमा पर्न सफल भएका हुन्।

नेपाल विज्ञान तथा प्रविधि प्रज्ञा प्रतिष्ठान(९नास्ट)का वैज्ञानिक डा( नीरञ्जन कोइराला पनि सूचीमा परेका छन्। काठमाडौँ इन्स्टिच्युट अफ कम्प्लेक्स फ्लोजका शिवप्रसाद पुडासैनी, नेपाल हेल्थ रिसर्च काउन्सिलका मेघनाथ धिमाल, ग्लोबल सेन्टर फर रिसर्च एण्ड डेभलपमेन्टका छविलाल रानाभाटको नाम पनि सो सूचीमा उल्लेख भएको बताईएको छ।

ट्रान्स कल्चरल साइकोसोसल अर्गनाइजेशन नेपालका मार्क जेडी जोर्डन्स, इन्टरनेशनल वाटर म्यानेजमेन्ट इन्स्ट्च्युटका सन्तोष नेपाल, गण्डकी युनिभर्सिटीका राजकुमार थापा त्रिविका हरि (थर उल्लेख नभएको) पनि सचीमा छन्।

सिईएमवाइटी पिटर आर हब्स, ग्लोबल इन्स्टिच्युट फर इन्टरडिसिप्लिनरी स्टडिजका सुरेन्द्र केसी, काठमाडौँ विश्वविद्यालयका सुदनकुमार झा, ग्रेड एकेडेमी प्रालिका रन्दिप रकुवाल, काठमाडौँ क्यान्सर सेन्टरका सुनिलकुमार श्रेष्ठ, ग्रेट एकेडेमी प्रालिका गणेशकुमार अग्रवाल पनि सुचीमा छन्।

त्यसैगरी बायो टेक्नोलोजी सोसाइटी अफ नेपालका विकास बराल, लुम्बिनी मेडिकल कलेजका आलोक आत्रेय, एनएन आरसिका उत्तम पौडेल, सिलिकन स्क्रिप्ट साइन्स प्रालिका पुकार खनाल, ग्लोबल हेल्थ रिसर्च एण्ड मेडिकल इन्टरभेन्सन फर डेभलपमेन्टका सुरज भट्टराई र कलेज अफ मेडिकल साइन्सेज नेपालका विपिन चौरसिया छन्।

यसरी विश्वभरका वैज्ञानिकको सूचीमा नेपालका वैज्ञानिकहरू समावेश हुनुले अन्तरराष्ट्रियस्तरमा नेपालका वैज्ञानिकहरूको क्षमताको उत्कृष्ट मूल्याङ्कन भएको नाष्टका सचिव ढकालले बताउनु भएको छ।

राष्ट्रपति पौडेलद्वारा बहिनीहरूको हातबाट शुभसाइतमा टिका ग्रहण

नारी वाटिका संवाददाता

काठमाडौं -६ कार्तिक ।

राष्ट्रपति रामचन्द्र पौडेलले आफुना बहिनीहरूको हातबाट भाईटिकाको शुभसाइतम तिहारको टीका ग्रहण गर्नु भएको छ।

यस वर्षको यमपञ्चक तथा तिहारको आज अन्तिम दिन भाईटिकाको शुभसाइतमा राष्ट्रपति पौडेलले राष्ट्रपति भवन शितलनिवासमा ११ः३९ बजेको समयमा बहिनीहरू शारदा र चन्दाको हातबाट टीका लगाउनु भएको राष्ट्रपतिको स्वकीय सचिवालयले जनाएको छ ।

नेपाल पञ्चाङ्ग निर्णायक समितिले यस वर्षको भाइटीकाको उत्तम साइत बिहिबार (आज) बिहान ११ बजेर ३९ मिनेटको समयको लागि उत्तम साईत तोकेको थियो । यदपि यस वर्षको भाइटीकाको लागी शुभ साइत उक्त समयमा तोकिएको भएतापनि आज दिनभर नै टीका लगाउन सकिने समितिले जनाएको छ ।

यमपञ्चकको अन्तिम दिन आज दिदीबहिनीले दाजुभाइलाई र दाजुभाइले दिदीबहिनीहरुलाई टीका लगाउन मिल्ने समितिले जनाएको छ ।

आज गणेशमान सिंहको२८औँ स्मृति दिवस विविध कार्यक्रम गरी मनाइँदै

नारी वाटिका संवाददाता

धादिङ – २ असोज ।

प्रजातन्त्र पुनःस्थापनाका लागि विसं २०४६ को जनआन्दोलनका सर्वोच्च कमान्डर गरी नेपाली राजनीतिमा त्याग र साहसका प्रतीक मानिएका गणेशमान सिंहको आज२८औँ स्मृति दिवस विभिन्न कार्यक्रममार्फत मनाइँदैछ ।

सिंहको स्मृति दिवस मनाउनका लागी नेपाली कांग्रेसका भ्रातृ एवं शुभेच्छुक संस्थाले बिहान शोभाभगवतीस्थित सिंहको सालिकमा माल्यार्पण कार्यक्रम आयोजना गरिएको छ।

सिंहले प्रजातन्त्र स्थापनाका लागि विसं १९९७ देखि सक्रिय रुपमा २००७ सालमा ठुलो क्रान्ति, २०३६ सालको जनमत सङ्ग्रहदेखि २०४६ को जनआन्दोलनसम्म नेतृत्वदायी भूमिका खेल्नु भएको थियो।

सिंहलाई राजा वीरेन्द्रले प्रधानमन्त्री बन्नको लागी पटक पटक आग्रह गर्दा पनि आफु प्रधानमन्त्री नभई कृष्णप्रसाद भट्टराईलाई सिफारिस गर्नु भएका सिंह त्यागको उदाहरणका रूपमा नेपाली राजनीतिमा परिचित हुनुहुन्छ । विसं १९७२ मा जन्मिनु भएका सिंहको २०५४ असोज २ गते निधन भएको थियो ।

कांग्रेस नेता भरतप्रसाद उप्रेतीको सम्झानामा श्रद्धान्जली सभा

नारी संन्चार संवाददाता

धादिङ- ९ साउन ।

नेपाली कांग्रेस धादिङका संस्थापन नेता भरतप्रसाद उपे्रतीको १३ औ दिनको पुण्य तिथिमा पुर्व प्रधानमन्त्री एव् नेपाली काँग्रेसका पार्टी सभापति शेरवहादुर.देउवाले श्रदान्जली व्यक्त गर्नु भएको छ ।

काँग्रेस धादिङले आयोजना गरेको श्रद्धान्जली सभामा पार्टी सभापति शेरवहादुर.देउवाको प्रमुख आतिथ्यतामा सम्पन्न गरेको हो।

निकै लामो समयदेखी स्वास प्रस्वासको समस्याले थलिएका नेता उप्रेतीको गत असार २८ गते बानेश्वरस्थित आफ्नै निवासमा निधन भएको थियो। नेता उपे्रती कांग्रेस भित्रका एक निष्ठावान र कर्तव्यनिष्ठ नेताको रुपमा परिचित हुनुहुन्छ । श्रद्धान्जली सभामा नेता उपे्रतीको जिवनी र उहाँको व्यक्तित्वको चर्चा गरिएको थियो । पुर्व प्रधानमन्त्री एव् काँग्रेसका सभापति.देउवाले उनको निधनले कांग्रेसमा ठुलो क्षती भएको बताउनु भएको छ । सभापति देउवाले नेता उप्रेतीलाई प्रजातन्त्र प्राप्तिको लागी राष्ट्रप्रति समर्पित नेताको रुपमा चित्रण गर्नु भएको थियो ।तत्कालीन सशस्त्र विद्रोही माओवादीलाई शान्ति प्रक्रियामा ल्याउन स्वर्गीय नेता उप्रेतीले पार्टीभित्र पुर्‍याएको भुमिकाको स्मरण गर्दै उप्रेतीले राष्ट्रको लागी एक समर्पित नेता भएको बताउनु भएको हो। नेता उपे्रतीले नेपालको जहानीय शासन तोड्न र मुलुकमा प्रजातन्त्र ल्याउनका लागी पार्टीको भुमिकाको अनुसरण गर्दै आफुलाई समर्पित गरेका थिए ।

पार्टि उप सभापति गेहेन्द्रवहादुर मल्लको अध्यक्षतामा भएको श्रदान्जली सभामा काँग्रेसका केन्द्रीय सदस्य सशांक कोईराला,दिलमान पाख्रिन तामाङ,कृर्षी मन्त्री तथा धादिङ पार्टि सभापति रामनाथ अधिकारी एवं पुर्व पार्टि सभापति रमेश धमला,सांसद गोविन्दप्रशाद लम्शाल, महाँसमिति सदस्य एव्ं निलकण्ठ नगरपालिका मेयर भिमप्रशाद ढुंगाना,वागमति प्रदेश प्रमुख ईन्द्र वानियाँ, सहकारी तथा गरिवी निवारण मन्त्री मधुकुमार श्रेष्ठको उपस्थिति रहेको थियो ।

यसैगरी श्रदान्जली सभामा धादिङ जिल्लाका प्रमुख जिल्ला अधिकारी सुमन घिमिरे,धुनीवेशी नगरपालिकाका मेयर वालकृष्ण आचार्य,विभिन्न जिल्लाका काँग्रेसका नेताहरु,नेपाली काँग्रेस धादिङका नेता तथा कार्यकर्ता भातृ एवं सुवेक्षुक संस्थाका प्रतिनिधिहरुको उल्लेखनीय रुपमा उपस्थिति रहेको थियो।