
नारी बाटिका
चुनाव आउन ३ दिन बाँकी
नारी वाटिका संवाददाता
रामेछाप -१८ फागुन ।
आसन्न निर्वाचनमा खटिएका कर्मचारी तथा निर्वाचन सामग्रीसहित लिएर गएको गाडी रामेछापमा दुर्घटना भएको छ ।
शोमबार रामेछाप नगरपालिका २ देउरालीको शीतलादेवी मावि र वडा नं ३ साँघुटारको वडा कार्यालय मतदान केन्द्रको निर्वाचन सामाग्रीसहित खटिएर गएका कर्माचारी बोकेको निसान कम्पनीको गाडी दुर्घटनामा परेको हो ।
उक्त गाडीमा रामेछापको देउरालीस्थित मतदान केन्द्रमा खटिएका कर्मचारी र निर्वाचन सामाग्री झारेर गाडी ब्याक गर्ने क्रममा दुर्घटनामा परको स्थानीयले बताएका छन् ।
दुर्घटना भएको गाडीमा कति मानिस सवार थिए भन्ने खुल्न बाँकी नै छ । गाडी भिरबाट खसेको र विस्तृत विवरण आउन बाँकी रहेको जिल्ला प्रही कार्यालय रामेछापका इन्सपेक्टर राजनप्रसाद तिमल्सिनाले जानकारी दिए ।
प्रत्यक्षदर्शी स्थानीयका अनुसार दुर्घटनामा केही मानिसहरु हताहत भएको आशंका गरिएको भए पनि प्रहरीले त्यस बारे विस्तृत बताएको छैन ।








प्रतिक्रिया दिनुहोस