आज: २०८२ भाद्र १३, शुक्रबार | Fri, 29, Aug, 2025

जीप दुर्घटनामा मृत्यु भएका चारै जनाको सनाखत

२०८२ भाद्र १२, बिहिबार मा प्रकाशित ( १ दिन अघि) ६२१ पटक पढिएको
नारी बाटिका


नारी वाटिका संवाददाता

डडेल्धुरा- १२ भदौ ।

डडेल्धुरामा जिप दुर्घटनामा परी चारजनाको मृत्यु भएको छ । आज बिहान भएको उक्त दुर्घटनामा ६ जना घाइते भएका छन्।

ठाँडाबजारबाट डडेल्धुरा सदरमुकामका लागि छुटेको से १ ज ७३८ नम्बरको जिप बिहिबार नवदुर्गा गाउँपालिका–५ को चौडको कच्ची सडक खण्डमा दुर्घटना भएको हो।

दुर्घटनामा परी मृत्यु हुनेमा नगदुर्गा– ५ का १८ वर्षीय सुरेश साउद, सोही ठाउँका २३ वर्षीय सुरेश पार्की, ४० वर्षीया तारा अवस्थी र ७२ वर्षीया कलावती साउद रहेका डडेल्धुरा प्रहरीले जनाएको छ । उनीहरु चारै जनाको घटना स्थलमै मृत्यु भएको जिल्ला प्रहरी कार्यालयका प्रवक्ता प्रहरी निरीक्षक डम्बर विष्टले जानकारी दिनु।

साथै सोही दुर्घटनामा ऐ.स्थानका १८ वर्षीया सुशीला बि।क, चार वर्षीया प्रतिका पार्की, ४८ वर्षीय चन्द्रबहादुर साउद, ३५ वर्षीय राम बहादुर साउद, ४२ वर्षीय गणेश बहादुर साउद र ४४ वर्षीय प्रकाश बि।क घाइते भएका छन्। उनीहरु सबैको अवस्था गम्भीर रहेको र डडेल्धुरा अस्पतालमा उपचार भइहरेको बताइएको छ।

सडकबाट जीप करिब पाँच सय मिटर तल जंगलमा खसेर दुर्घटनामा परेको हो । के कारणले दुर्घटना भएको हो कारण भने खुल्न बाँकी छ । घटनाबारे थप अनुसन्धान भइरहेको प्रहरीले जनाएको छ।

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित

प्रतिक्रिया दिनुहोस