
नारी बाटिका
बिबियु,नारी बाटिका संवाददाता
धादिङ -२४ वैशाख ।
हाल नेपालमा पश्चिमी न्यूनचापीय प्रणाली तथा स्थानीय वायुको र नेपालको पूर्वी भूभाग नजिक तल्लो वायुमण्डलमा रहेको न्यून चापीय क्षेत्रको प्रभाव परेको मौसम पूर्वानुमान महाशाखाले जनाएको छ।
यसको प्रभावले बागमती, गण्डकी, लुम्बिनी, कर्णाली र सुदूरपश्चिम प्रदेश तथा कोशी प्रदेशको हिमाली क्षेत्रमा साधरणतया बादल लागेको छ भने बाँकी भूभागमा आंशिक बादल देखिएको छ।
आज दिउँसो हिमाली र पहाडी भूभागहरुमा साधरणतया बादल लाग्ने र तराई भूभागमा आंशिक बादल लाग्ने मौसम पूर्वानुमान महाशाखाले जनाएको छ। महाशाखाका अनुसार लुम्बिनी, कर्णाली र सुदूरपश्चिम प्रदेश लगायत बाँकी प्रदेशको हिमाली र पहाडी क्षेत्रका केही स्थानमा चट्याङ्गसहित मध्यम सम्मको वर्षा र हिमपातको सम्भावना छ ,
साथै तराई भूभागका एक दुई स्थानमा चट्याङ्ग सहित हल्का वर्षा हुनेछ। साथै आज राति कोशी प्रदेशलगायत देशका हिमाली क्षेत्रमा साधरणतया बादल लाग्ने र बाँकी भूभागमा आंशिक बादल देखिने छ।
यस्तै कोशी प्रदेशका एक दुई स्थानमा चट्याङ्गसहित मध्यम वर्षा तथा मधेस र बाँकी प्रदेशका पहाडी र हिमाली भेगका थोरै स्थानमा चट्याङ्गसहित हल्का वर्षा र हिमपातको सम्भावना रहेको महाशाखाले जनाएको छ।








प्रतिक्रिया दिनुहोस