
नारी बाटिका
बिबियु,नारी वाटिका संवाददाता
धादिङ -२४ जेठ
राष्ट्रिय स्वतन्त्र पार्टी (रास्वपा)को जारी जिल्ला अधिवेशनबा नयाँ नेतृत्व चयन भएको छ । शनिबार निलकण्ठ नगरपालिका सितलबजरस्थित क्रिक रिसोर्टमा आयोजित कार्यक्रममा नेपाल सरकारका सुचना तथा संन्चामन्त्री तिमल्सीनाको प्रमुख आतिथ्यमा अधिवेशनको उद्घाटन भएको हो ।
अधिवेनबाट धादिङको जिल्ला समितिको सभापतिमा राजन अर्याल,उपसभापतिमा श्रवण त्रिपाठी,सचिवमा राम भण्डारी र सह सचिबमा श्रीराम आचार्य निर्वाचित भएका छन् । तर सदस्यहरुको विवारण भने खुलाउन बाँकी छ ।
धादिङमा जस्तै हाल रास्वपाले देशैभर जिल्ला अधिवेशन गरिरहेको छ । केन्द्रीय निर्वाचन आयोगका अनुसार शनिबार झापा, मोरङ, तेह्रथुम, ताप्लेजुङ, भोजपुर, सङ्खुवासभा, ओखलढुङ्गा, सुनसरी, महोत्तरी, रौतहट, दोलखा, काठमाडौँ, भक्तपुर, नुवाकोट, धादिङ, मकवानपुर, काभ्रेपलाञ्चोक, सिन्धुपाल्चोक र सिन्धुलीमा अधिवशेन सम्पन्न भएको जनाएको छ ।
यस्तै स्याङ्जा, कास्की, पर्वत, बागलुङ, म्याग्दी, गुल्मी, नवलपरासी, पाल्पा, कपिलवस्तु, दाङ, बाँके, बर्दिया, रोल्पा, कालिकोट, सल्यान, बैतडी, बझाङ र दार्चुलामा पनि अधिवेशन भएको बताइएको छ।
पार्टीलाई पूर्ण रूपमा वैधानिक र जन अनुमोदित बनाउन देशैभरका वडा,क्षेत्र र जिल्ला अधिवेशन सम्पन्न गरी केन्द्रीय अधिवेशको लागी तयारीमा जुटेको आयोगले जनाएको छ। साथै राष्ट्रिय महाधिवेशन अघि देशका ७७ मध्ये ६७ जिल्लामा निर्वाचन सम्पन्न गर्ने रास्वपाको तयारी छ।








प्रतिक्रिया दिनुहोस