
नारी बाटिका
बिबियु,नारी वाटिका संवाददाता
धादिङ -२९ फागुन ।
पश्चिमी न्यून चापीय प्रणाली र उपल्लो वायुमण्डलको उच्च चापीय प्रणाली तथा पूर्वी क्षेत्रमा रहेको न्यून चापीय क्षेत्रको आंशिक प्रभावले मुलुकभर मौसममा बदली छ ।
मौसम पूर्वानुमान महाशाखाका अनुसार कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका पहाडी तथा हिमाली क्षेत्रमा सामान्यतया बादलले ढाकेको छ।
आज (शुक्रबार) कोशी प्रदेशसहित अन्य पहाडी र हिमाली क्षेत्रमा आंशिकदेखि सामान्य बदली रहनेछ। कोशी, बागमती, गण्डकी र लुम्बिनी प्रदेशका केही स्थानमा मेघगर्जन, चट्याङ र हावाहुरीसहित हल्का वर्षा हुने सम्भावना छ।
महाशाखाका अनुसार उपल्लो वायुमण्डलमा उच्च चापीय प्रणाली स्थिर रहेकाले पर्याप्त वर्षा हुन नसकेको र प्रदूषण तल्लो तहमा जमेर देशका धेरै स्थानमा केही दिनदेखि तुवाँलो देखिएको छ।
तर बिहीबारदेखि मौसमी गतिविधि बढेर केही स्थानमा भारी वर्षासमेत भएको र आजपनि देशका केही स्थानमा क्षणिक वर्षा हुन सक्ने भएकाले मौसममा क्रमिक सुधार आउने सम्भावना रहेको मौसम पूर्वानुमान महाशाखाले जनाएको छ।








प्रतिक्रिया दिनुहोस